返依份工真係冇得頂!!
尋日一返工就同阿銘同阿峰四維行
首先就行去steward office到買左個熱狗食
十蚊大大個,仲好好味
之後就行去AF公眾安檢到玩
果到好似嘉年華咁
勁熱鬧,同唔同國籍的人士影相
玩完一輪後又買多隻雞脾食
加多枝汽水冇得頂多
到左十一點幾食埋個免費的乾牛河
之後就行去睇比賽
德國,英國同澳洲都好強
但最後德國做左大贏家
個人同團隊都羸左
嘩...個頒獎禮完左後d馬五隻一排繞場個時真係型到喊
頒完獎後就第一時間用工作人員的特權入去後場影相
d馬真係好鬼靚仔
再同英國隊合照
之後就俾人call返control做野
搞完一輪又跑去影相
今次仲搵到個人賽金牌得主德國的迪博夫斯基
原本好早就可以同佢影到相
但佢要做直播訪問
但佢好型咁講左句"i will be back!"
等左佢幾個字佢先行得開
訪問果時佢地team人勁high
咁都難怪佢地....奧運冠軍wo
好啦,佢終於得閒啦
我地就行去影相
佢仲好大方咁俾個金牌我地玩
個金牌好重,上面仲有d玉係上面
真係好靚
依d機會真係唔係人人有
可能真係一世人得一次
今次真係冇憾啦
d影依家仲係人地到
有機會再upload上黎

好啦
之後仲未後
二點左右又join埋星仔同黑仔
玩d暴力game
一班男仔玩到傻左
六點就同班supervior同IC去食早餐
食完等收工
準時收工....

依家最希望的就是日日可以準時收工
因為日日都早返遲走
明明返八點就要人返七點三
收八點就日日都要到八點半後先有得走
OK!!!依d都唔係咩大問題
最大問題係從來都冇正面回答過我地有冇得補水
希望依家件事上左報後可以改善下
PS.今日終於都可以準時走
KEEP住係咁就好